Malbatên dîlgirtiyan ên ji bajarên Rojava bi daxwaza berdana zarokên xwe yên li gel hikumeta demkî ya Sûriyeyê ji destpêka Çileyê ve girtî ne çalakî li dar xistin û paşxistina çareserkirina vê dosyayê ji hêla hikumetê ve pêşî li bidawîkirina vê dosyayê digire.
HESEKÊ
Girêdayî mijarê, malbatên dîlgirtiyan û xelkê Hesekê li Çerxerêya Kevokê ya Til Hecer banga demildest a berdana zarokên xwe yên li gel hikumeta demkî girtî ne kir û got heta zarokên wan tên berdan ew çalakiyên xwe dewam dikin.
Di çalakiyê de malbatan pankartên bi nivîsên “zarokên me berdin, pêwîst e ev dosya beriya hemû dosyayên din werin çareserkirin hildan” hildan.
DIRBÊSIYÊ
Li Dirbêsiyê jî malbatan çalakî li pêş Çerxerêya Jinê li dar xist. Di çalakiyê de hejmarek malbat hazir bûn, wêneyên zarokên xwe hildan.
Protestoyê de malbatan siloganên “em dîlgirtiyên xwe dixwazin” berz kirin û diyar kir ku doza wan di radeya yekemîn de dozeke mirovî ye û ji aliyê eleqedar tê xwestin ku bi cidî tev bigerin.
Malbatan got bêdengiya aliyên berpirsiyar û berdewama ragirtina zarokên wan zehmetiyên wan zêde dikin.
Di dawiyê de malbatan anî ziman ku heta pêkanîna daxwazên wan ew li qadan in.
