Bûyerên piştî Banga Aştî û Civaka Demokratîk a Rêber Apo wê bêne şopandin.
Endamê Konseya Rêveber a KCK’ê Mûstafa Karasû diyar kir ku piştî banga 27’ê Sibata 2025’an a Rêber Apo li Tirkiyeyê guhertinên girîng çêbûn û got, di asta heyî de ew dixwazin têkoşînê bi rêya siyaseta demokratîk bimeşînin.
Endama Konseya Serokatiya Giştî ya KCK’ê Sozdar Avesta destnîşan kir ku Tevgera Azadiyê sala dawî gavên dîrokî avêt û got, ji bo serketina pêvajoyê divê her kes bi berpirsyariyê rabe.
Parêzer Eren Keskîn anî ziman ku avakirina Serokatiya Lêkolînkirina Sûcên Kiryar Nediyar cihê baweriyê nîne û got, “Eger Wezîrê Edaletê dixwaze sîstema hiqûqê xurt bike, bila destpêkê ji biryarên xwe yên bêhiqûqî destpê bike.”
Dîrektorê SOHR’ê Rami Abdurrahman ragihand ku HTŞ’ê li herêmên Ereb li dijî Kurdan gelek sûc kirin û bi taybetî işaret bi binpêkirinên li Reqayê kir.
Akademîsyen Davide Grasso: “Ji bo Abdullah Ocalan komun bênîqaş xwedî girîngiyeke hîn esastir e; îdîa dike ku weke motora dîrokê şerê refê yê kevneşopiyê divê weke dualîteya navbera komun û dewletê were îqamekirin.”
Fatma Bostan diyar kir ku li şûna kanalên sivîl sînordarkirina pêvajoya ‘‘Aşitî û Civaka Demokratîk’’ ya di çarçoveya nîqaşên darazî de û dîtina pêvajoyê ya weke ‘aqilê dewletê’ û ‘meseleya manûnemanê’ civak ji nîqaşê dûr xist.
Şêniyên ku li dijî projeya JES’ê ya li Gimgimê tevlî çalakiya nobedê bûn gotin, “Em bi mînakeke piştevanî û têkoşînê ya komînê li vê derê ne. Em ê xaka xwe ji kesî re nehêlin.”
