Parlamenterê DEM Partiyê Cengîz Çandar, diyar kir ku pêvajoya berdewam a derbarê pirsgirêka Kurd de di qonaxek krîtîk de ye. Çandar, destnîşan kir ku daxuyaniyên Devlet Bahçelî yên 4’ê Gulanê dikarin “dîrokî” bin.
Çandar, anî ziman ku “statuya Rêber Apo” û sererastkirina qanûnî yên berfireh ji bo pêşvebirina pêvajoyê pêwîst in û got, “Em niha tam di vê nuqteyê de ne.”
Cengîz Çekdar, diyar kir ku Serokê MHP’ê Devlet Bahçelî di daxuyaniya xwe de got ku “pirsgirêka statûyê nayê paşguhkirin” û her wiha pêşniyar kir ku “pêvajoya Aştî û Kordînasyona siyasî ya” ji bo sazûmankirina pêvajoyê were avakirin.
Çandar, da xuyakirin ku heta niha gavên şênber nehatine avêtin û biryarên “mafê hêviyê” nehatine bicîhanîn û got, divê amadekariyên “Qanûna Derbasbûnê” an “Pêşnûmeya Qanûna Taybet” dest pê bikin.
Cengîz Çandar, behsa daxuyaniyên Devlet Bahçelî kir û got ku ger Bahçelî nebûya dibe ku ev pêvajo pêk nehatiba.
Çandar, diyar kir ku tiştekî xwezayî ye ku carnan pêvajo bixitime û got, “Di pirsgirêkek sed salî de, astengiyên demkî dibe ku çêbibin..”
Çandar, got ku ji bo pêvajo pêşve biçe “sebir, berxwedan û biryardarî” hewce ne û destnîşan kir ku divê ji bo kesên çek danîne, di girtîgehê de ne an jî li sirgûnê ne çareseriyek hiqûqî bê peydakirin.
Çandar, anî ziman ku girîng e ku berî Meclîs bikeve betlaneyê, sererastkirina qanûnî werin çêkirin û got, “Divê di Hezîranê de lihevkirina pêwîst were bidestxistin.”
