Di roja destpêkê ya cejnê de li gelek bajaran serdana goristanan hate kirin. Di bîranînan de dua hate kirin û qurnefîl li ser gorên şehîdan hat danîn.
LI COLEMÊRGÊ SERDANA LI GORISTANA SERÊ SOLANÊ
Bi pêşengiya MEBYA-DER’ê li Colemêrgê serdana Goristana Serê Solanê hate kirin.
Di bîranînê de ku xizmên windahiyan tevlî bûn, dua hate kirin û qurnefîl li ser gorên şehîdan hate danîn. Heyetê piştre cejna malbatên cangoriyan pîroz kir.
LI STENBOLÊ MEŞA BER BI GORISTANA GAZÎ
Li Stenbolê bi pêşengiya ANYAKAY-DER’ê li taxa Gaziyê bîranîn hate lidarxistin.
Girseya gel ji Cemxaneya Gazî heta bi Goristana Gazî bi dirûşma “Şehîd namirin” meşiya.
BANGA JI BO MAFÊ HÊVIYÊ
Hevseroka Bajarê Stenbolê ya DEM partiyê Arîfe Çinar li bîranînê axivî û işaret bi têkoşîna aştî û demokrasiyê ya gelê Kurd kir.
Arîfe Çinar bal kişand ser banga 27’ê Sibatê ya Rêber Apo û anî ziman ku dewlet hîn jî bi feraseteke “ewlekariyê” nêzî pirsgirêka Kurd dibe.
Arîfe Çinar got, “Divê mafê hêviyê tavilê bê naskirin û lez ji pêvajoyê re bê dayin” û cangorî bi rêzdarî bi bîr anî.
