Meclisa Malbatên Şehîdan a Amûdê merasîma şervanê QSD’ê şehîd Agirî Hesekê (Qeys Şefîq Ehmed) organîze kir. Şehîd Agirî Hesekê 21’ê Çileyê li ser rêya Reqayê şehîd bûbû.
Merasîm li Pakrewangeha Şehîd Îsmaîl Hogir bi tevlîbûna şêniyên Amûdê û endamên meclis û saziyan hat lidarxistin.
Piştî rêzgirtinê endamê Meclisa Malbatên Şehîdan a Amûdê Mihemed Seîd Ferso axivî û sersaxî ji malbata şehîd re xwest.
Endama Kongreya Star Îlham Hisên jî axivî û got, di kesayeta şehîd Agirî de ew hemû şehîdên xwe bi bîr tînin.
Di dawiya merasîmê de wesîqeya şehîd ji aliyê endama Kongra Star Ceylan Yûsiv ve hate xwendin û radestî malbata wî hate kirin.
Şehîd Agirî Hesekê bi dirûşmên “Şehîd namirin” spartin axê.
