Heft sendîkayên perwerdehiyê ji ber germahiya dijwar a li Fransayê daxuyaniyek hevpar dan û Wezareta Perwerdehiya Neteweyî bi neamadebûnê ve tawanbar kirin. Sendîkayan diyar kirin ku tenduristiya xwendekar û kedkarên perwerdehiyê dixe xetereyê û banga “Êdî bes e” kirin.
Di daxuyaniyê de hat diyarkirin ku bêyî ku li dibisitan li dijî germahiya dijwar tedbîran bigirin, xebatên xwe berdewam dikin û kedkarên perwerdehiyê di bin şert û mercên dijwar de hewl didin ku bi serê xwe çareseriyan bibînin. Sendîkayan anîn zikman ku dewlet û rêveberiya herêmî berpirsiyariya rewşa avahiyên dibistanan û girtina dibistanan dewrî hev kirine.
Tevî ku welat germahiya dijwar berdewam dike jî perwerdehiya li dibistanên seretayî berdewam dikin, ezmûnên devkî yên qedandina lîseyê wê heta 3’yê Tîrmehê berdewam bikin û ezmûna nivîskî ya yekem a qedandina dibistana navîn jî wê roja Înê were lidarxistin.
Sendîkayan daxuyandin ku li gelek dibistanan di aliyê tenduristî û ewlehiya kar de zêdebûnek cîdî çêbûye û bang li kedkarên perwerdehiyê kirin ku bi daxwaza baştirkirina şert û mercên kar û bicîhanîna tedbîrên pêwîst “li cihê ku pêwîst be” bikevin grevê.
