Hefteya borî Dewletên Yekbûyî yên Emerîka (DYE) û Siûdî Erebistanê li çend parêzgehên Iraqê êrişî ser hêzên Heşdî Şeebî kirin. Di encamê de 20 çekdar mirin û 32 çekdar jî birîndar bûn. Di beramberî êrişê de, komên çekdar ên li Iraqê gef xwarin û ragihandin ku li bendê bin heta temambûna çileya Îmam Huseyn, ger hikûmet bersiv nede, ew bi xwe dê bersiva êrişan bidin.
Îro roja dawî ya dema ku komên çekdar diyarkirî ye. Di dîmenekê de komeke çekdaran dibêjin, “Siûdiyan guh bidin, dema we bi dawî bû. Xwe amade bikin. Kelûpel û amêran ji bo rizgarkirinê amade bikin. Sond bi Keebe, heta ku em zêdetir neşewitînin, em aram nabin.”
Piştî van gefan, duh bi şev Fermandariya Hêzên Iraqê û hêzên emnî civînek lezgîn lidarxistin. Metirsiya êrişa komên çekdar li ser Siûdî heye. Beşek ji berpirsên Iraqê bang li komên çekdar kirin ku xwe kontrol bikin û êrişê paş bixin.
Serokê Hevpeymaniya Fetih Hadî Amîrî di peyamek dîmen de bang li çekdarên Meqawmey Îslamî dike ku hemû bersivên dijî êrişa Emerîka û Siûdiyê paş bixin.
Amirî daxwaz ji hêzên Meqawme kir ku xwe kontrol bikin û ji bo berjewendiyên bilind ên Iraqê aramiyê biparêzin, êrişan paş bixin, mafê qurbaniyan bi rêya dîplomasiyê bistînin.
Berdevkê Ketayîb Seîd Şuheyda Kazim Fertusî ji Rojnews’ê re ragihand ku Meqawmey Îslamî heta niha li benda rêkarên ku hikûmeta Iraqê li beramberî êrişên Siûdiyê ye ku li ser Heşdî Şeebî pêk anî bû.
Hikûmeta Iraqê dixwaze bi çi şêwazî be komên çekdar kontrol bike û nehêle êriş ji nav xaka Iraqê pêkbîne. Ji berk u ji encama wê ditrise. Ji ber ku dibe vekişîne nav şerek mezin ku çarenûsa Iraqê nediyar dihêle.
Hêjayî gotinê ye ku li gorî agahiyên çavkaniyê ewlehiyê belavkirine, danê sibehê berpirsên Heşdî Şeebî û hikûmeta Iraqê destwerdan di rêgirîkirina li êrişkirina ser bendera Siûdiyê de kirine. Piştî vê destwerdanê koma çekdar ya Meqawmey Îslamî biryar daye ku bersivê ji bo demek din paş bixe.
Li aliyê din, rojnameya “Ekaz” li gorî agahiyên ji çavkaniyên berpirs ên Siûdî girtî ragihand ku raporên îstîxbaratî diyar dikin ku hemahengiyek di navbera Hûsiyan, komên çekdar ên Iraqê û Artêşa Pasdarên a Îranê de heye ku amadekariya êrişekê li ser Siûdiyê dikin.
