Piştî ku Serokdewletê nû yê Kolombiyayê Abelardo de la Espriella ku Serokê DYE’yê Donald Trump piştgiriya wî dike, artêşê dest bi operasyonan kir. Hate ragihandin ku di encama operasyonan de 6 endamên komên çekdar jiyana xwe ji dest dan.
Li gorî agahiyên ku Serokdewlet de la Espriella da, di operasyona departmana Meta ya li herêma Amazonê de li gel fermandarê duyemîn ê koma bi navê Comandos de la Frontera ya FARC’ê 4 milîtanan jiyana xwe ji dest dan.
Li herêma Antioquia ya li bakurrojavayê welêt di operasyoneke din de jî ji kartelên narkotîkê yên herî mezin ê Kolombiyayê 2 endamên Clan del Golfo hatin kuştin.
Serokdewletê nû yê li ser xeta rastgiriyê diyar kir ku operasyonên hatin kirin “peyameke xurt û vekirî” ya li dijî komên çekdar e û anî ziman ku êdî cih nîne ku rêxistin xwe lê veşêrin.
JI DYE Û ÎSRAÎLÊ PIŞTGIRIYÊ WERDIGIRE
De la Espriella ku di merasîma destpêkirina wezîfeyê ya roja Înê de diyar kir ku wê têkoşîna li dijî qaçaxçitiya narkotîkê û rêxistinên çekdar bê navber dewam bike û îdîa kir ku hevdîtinên aştiyê yên bi komên çekdar re têne meşandin wê êdî encamê nede.
Rêveberiya nû plan dike ku bi piştgiriya Dewletên Yekbûyî yên Emerîka (DYE) û Îsraîlê operaysonên hewayî yên li hemberî komên narkotîkê û gerîla zêde bike û weke girtîgehên mezin ên li El Salvadorê girtîgehan ava bike. Hikumet her wiha dixwaze ku hin muzakereyên aştiyê yên di dema Serokdewletê berê Gustavo Petro de hate destpêkirin bi dawî bike.
