Neteweyên Yekbûyî (NY) diyar kir ku di şerê Rûsya-Ûkraynayê de meha Tîrmehê ji aliyê kuştina sivîlan ve ji Gulana 2022’an û vir ve bû meha herî kujer.
Li gorî rapora Mîsyona Şopandina Mafên Mirovan a Ûkraynayê ya Neteweyên Yekbûyî, di Tîrmehê de di encama êrişên Rûsyayê de herî kêm 437 sivîl mirin, 2 hezar û 610 sivîl birîndar bûn. Kuştina sivîlan li gorî meha Hezîranê ji sedî 30, li gorî Tîrmeha 2025’an jî ji sedî 70 zêde bû.
Li gorî daneyên Neteweyên Yekbûyî ji destpêka sala 2026’an û vir ve li Ûkraynayê hezar û 839 sivîlan jiyana xwe ji dest dan, 10 hezar û 638 kes birîndar bûn.
Meha Tîrmehê êrişên giran li ser paytext Kîevê hate kirin. Li bajêr herî kêm 54 kes mirin, 202 kes birîndar bûn.
Mîsyona Neteweyên Yekbûyî diyar kir ku meha Tîrmehê li Rûsyayê jî kuştina sivîlan zêde bû. Li gorî meqamên Rûsyayê li welêt 79 kes mirin, 601 kes jî birîndar bûn.
Li gorî daneyên ku Neteweyên Yekbûyî piştrast kiriye, ji 24’ê Sibata 2022’an û vir ve li Ûkraynayê herî kêm 16 hezar û 874 sivîl mirin, 51 hezar û 273 sivî jî birîndar bûn. Ji kuştiyan 820, ji birîndaran jî 3 hezar û 126 zarok bûn.
