Tora Mafên Mirovan a Kurdistanê di derbarê rewşa jinên Kurd ên di bin zextên rejîma Îranê de raporek belav kir.
Di raporê de hatiye diyarkirin tevî ku du meh di ser binçavkirina du jinên Kurd ên bi navên Perwîn Rasiq Qizilbaş û Zehra Pîrdêhqan re derbas bûye jî lê hîna ti agahiyek li ser çarenûsa wan bidest neketiye.
Hatiye diyarkirin ku malbatên van du jinan gelek caran ji bo agahiyek li ser çarenûsa wan wergirin, serdana saziyên peywendîdar ên rejîmê yên li Urmiyeyê kirine, lê ti agahiyek bi malbatan re nehatiye parvekirin.
Li gor agahiyên hatine parvekirin, Zehra Pîrdêhqan (32) xelkê Çaldêran û Perwîn Rasiq Qizilbaş (33) xelkê Mako ye, roja 28’ê Hezîrana 2026’an li bajarê Urmiyeyê ji aliyê hêzên Îtlaeta Supayê Pasdaran ve bêyî fermana dadwer hatibûn binçavkirin.
Di beşek din ya raporê de hatiye diyarkirin ku roja 26’ê Tebaxê hêzên Îtlaeta Supayê Pasdaran bi ser mala du xwişkên bi navên Perî û Rua Samanî de girtine, dest bi ser kelûpelên kesî de girtine.
Piştre daxwaz ji her du xwişkan hatiye kirin ku ji bo îfade girtinê serdana navenda Îtlaetê ya Supayê Pasdaran a li Mihabadê bikin.
