Belgeya “Komara Demokratîk û Entegrasyona Demokratîk” a Rêber Apo li rojnameya Komînal hate weşandin. Metna bi dîroka Tîrmeha 2026’an li gel çareseriya pirsgirêka Kurd li ser veguherîna demokratîk a Tirkiyeyê û paşeroja pêvajoyê xwedî perspektîfan e.
Rêber Apo ku entegrasyona demokratîk weke peymaneke siyasî û hiqûqî ya nû ya navbera civak û dewletê pênase dike, dibêje ku ev model veguherînê li dewlet û civakê ferz dike. Di belgeyê de ku bi nêzîkatiya “Ne asîmîlasyon ne jî cihêkarî” li ser bingeha azadî û wekheviya nasnameyan jiyana bi hev re ji xwe re dike esas, destnîşan dike ku çareserî ne tenê bi Kurdan re sînorkirî ye, lê hemû beşên civakî vedihewîne.
Komara Demokratîk jî weke jinûve birêxistinbûna dewletê li gorî pêwîstiyên civakê tê nirxandin. Welatîbûna wekhev, cudahiya navbera hêzan, azadiya jinê, parastina ked û xwezayê weke pîvanên bingehîn ên vê rêxistinbûnê têne diyarkirin.
Temamiya belgeyê li ser malpera înternetê ya rojnameya Komînal dikare bê peydakirin:
