Rêxistina Bajêr Partiya Herêmên Demokratîk (DBP) a Îdirê 2’yemîn Kongreya xwe ya Awarte li dar xist. Hevseroka Giştî ya DBP’ê Çîgdem Kiliçgun Ûçar û gelek kesên din beşdarî kongreyê bûn. Piştî axaftinan Şerafettîn Kizilay û Şemam Kalkan ji bo Hevserokatiya Rêxıstına Bajêr a DBP’ê ya Îdirê hatin hilbijartin.
Hevseroka Giştî ya DBP’ê Çîgdem Kiliçgun Ûçar di kongreyê de axivî, diyar kir ku polîtîkayên nediyariyê yên dewletê rê li ber kêmbûna baweriyê vedikin û got ku bes ne Kurdan hewcehiya hemû civakê bi aşitiyê heye.
‘TEKANE TIFAQA ME TIFAQA AŞITIYÊ YE’
Çîgdem Kiliçgun Ûçar di dewama axaftina xwe de anî ziman ku tekane tifaqa gelê Kurd û Têkoşîna Azadiya Kurd tifaqa aşitiyê ye, diyar kir ku Banga Aşitî û Civaka Demokratîk jiyaneke ku gel pêşeroja xwe bi xwe diyar bikin armanc dike û îfade kir ku divê kesên li sirgûnê vegerin û girtî beşdarî siyaseta demokratîk bibin.
BERTEKA LI HEMBERÎ REWŞA GIRTIYÊN NEXWEŞ
Çîgdem Kiliçgun Ûçar piştre anî ziman ku hê jî girtiyên nexweş li girtîgehan tên ragirtin Û diyar kir ku divê hemû partiyên siyasî berpirsiyariyê bigirin ser milên xwe. Çîgdem Kiliçgun Ûçar axaftina xwe bi van gotinan bi dawî kir: ‘’Ma hûn ji bo dayîna biryara mirinê hatine avakirin? Ma cihê girtiyên nexweş hucre ne? Ji bilî aşitiyê rêyeke din tune ye.’’

