Endamê Şandeya Îmraliyê yê Partiya Wekhevî û Demokrasiyê ya Gelan (DEM Partî) û Serokwekîlê Meclisê Sirri Sureyya Onder, duh jiyana xwe ji dest da. Piştî wefata Onder, gelek rewşenbîr, nivîskar, rojnameger, nûnerên partiyên siyasî û rêxistinan peyam weşandin.
Hevşaredarê Bajarê Mezin ê Mêrdînê Ahmet Turk ku li şûna wî qeyûm hatiye tayînirin û endamê Heyeta Îmraliyê ye jî peyamek parve kir. Turk, li ser hesaba xwe ya medyaya dijîtal ev peyam parve kir: “Wefata Sirri Sureyya Onder ê hêja, windahiyeke mezin e. Ji aştiyê heta xwişk-biratî û dostaniyê, çi tiştên xweşik hebin wî xwe fedayî wan kiribû. Pir zehmet e cihê wî were dagirtin, em ne kesek kêm bûn em gelek kes kêm bûn. Lê ewlad, bila soza min be ku heta roja em digihijin hev dê ev rê bidome… bila soz be.”
