Çalakiyên lîseyiyan ên li Fransayê bi pêşengtiya ciwanan dest pê kirin, li seranserê welêt belav bûne û li gelek dibistanan ders nayên dayîn. Li gorî daneyên Wezareta Perwerdeyê roja înê li 564 saziyên perwerdeyê ji ber çalakiyan navber ders nehatin dayîn.
Wezîrê Perwerdeyê sibehî zû daxuyaniyek dabû û diyar kiribû ku ji 3 hezar 700 lîseyên li welêt 700 kes girtî ne. Hate diyarkirin ku tê plankirin li gelek dibistanan perwerde bi awayekî online were dayîn.
XWENDEKAR DAXWAZA ÇAVKANIYÊN ZÊDETIR DIKIN
Xwendekarên beşdarî çalakiyan dibin, daxwaz dikin ku ji Wezareta Perwerdeyê re çavkaniyên zêdetir werin veqetandin, hejmara xwendekarên polan werin kêmkirin, kêmasiya mamosteyan were çareserkirin û şert û mercên perwerdeyê werin başkirin.
ROJA ÎNÊ 600 KES HATIN BINÇAKIRIN
Li gorî çavkaniyên polîsan roja înê li seranserê welêt nêzîkî 600 kesên din hatine binçavkirin.
Duh di qonaxa duyemîn a tevgerê de li seranserê Fransayê nêzîkî 2 hezar kes hatibûn binçavkirin. Wezareta Karên Hundirîn diyar kiribû ku çalakî bi daxwaza baştirkirina şert û mercên perwerdeyê dest pê kiribûn.
Piştî bûyerên tundiyê hemû waliyan biryar girtin ku şeva Pêncşemê û roja Înê li dora hemû lîseyên girtî lidarxistina xwepêşandanan werin qedexekirin.
Wezîrê Karên Hundirîn Laurent Nunez di daxuyaniyeke xwe de diyar kir ku êdî bûyer di çarçoveya îfadekirina daxwazên rewa yên xwendekaran de nayên nirxandin û ew weke ‘’tundiya bajêr’’ pênase kirin.
