Platforma Saziyên Demokratîk a Erziromê, ji bo Seyîd Riza û hevalên wî yên ku 89 sal berê hatibûn darvekirin, li pêşiya avahiya Partiya Demokrasî û Wekheviyê ya Gelan (DEM Partî) a Erziromê daxuyaniyeke. Di daxuyaniyê ku gelek kes beşdar bûn de de pankarta “Di salvegera şehadeta wan de em Seyîd Riza û hevalên wî bi bîr tînin” hat hilgirtin.
Hevserokê DEM Partiyê yê Erziromê Muhlîs Kirmaci diyar kir ku Seyîd Riza pêşengê gelê Kurd û nûnerê girîng ê baweriya Elewîtiyê ye û got ku dawîanîna li jiyana Seyîd Riza êrişek li dijî van nirxan e.
Kirmaci destnîşan kir ku berxwedana Seyîd Riza û hevalên wî têkoşîna birûmet a gelan temsîl dike û wiha axivî: “Ronahiya ku bi berxwedana Seyîd Riza vêket, îro bi paradîgmaya civaka demokratîk a rêzdar Ocalan rêya hemû gelên bindest ronî dike. Ji ber vê yekê ev bîranîn, ne tenê bibîranîna êşa raboriyê ye, di heman demê de tê wateya xwedîderketina li lêgerîna azadî û aştiyê ya ku îro hîn jî berdewam dike. Banga Aştî û Civaka Demokratîk a 27’ê Sibatê ya rêzdar Ocalan, di heman demê de bangek e ji bo aşkerekirina rastiyan, pêkanîna edaletê û parvekirina êşan. Di vê çarçoveyê de hevrûbûna bi qirkirina ku di salên 1937-38’an de li Dêrsimê pêk hat re, wê bibe heyvanê siberojeke wekhev û hevpar. Bidawîkirina polîtîkaya bêgorhiştinê û aşkerekirina cihên gorên Seyîd Riza û hevalên wî yên têkoşînê, ji bo gihîştina aştiya civakî pêwîstiyek e.”
Daxuyanî bi çepikan bi dawî bû.

