Li gorî bîlançoya nû ya ji aliyê SOHR’ê ve roja Înê hat eşkerekirin, çeteyên DAÎŞ’ê li herêmên di bin kontrola hikûmeta Şamê de du êrîş pêk anîne û di encama êrîşan de 28 leşkerên Şamê û milîsên alîgirê hikûmetê hatine kuştin.
Di êrîşa ewil a êvara Pêncşemê de çeteyên DAÎŞ’ê li dijî otobuseke leşkerî ya li rojhilatê Hûmûsê êrîş pêk anî û di encamê de 22 leşker û endamên komeke alîgirê hikûmetê hatin kuştin.
Li rojhilatê wê jî li nêzî sînorê Iraqê hate ragihandin ku di êrîşa çeteyên DAÎŞ’ê ya li dijî baregeheke li nêzî Bûkemalê de 6 leşkerên Şamê hatine kuştin û 2 leşker jî hatine revandin
Li gorî SOHR’ê, di dawiya meha Adarê de çeteyên DAÎŞ’ê piştî ku bi kemînê 8 leşkerên Sûriyeyê girtin ew ‘kuştine’.
Li gorî SOHR’ê, ji destpêka salê û vir ve bi taybetî li herêmên Dêra Zorê, Hûmûs û Reqayê zêdeyî 268 leşker û endamên komên alîgirê hikûmetê di kemîn, êrîş û teqînan de hatine kuştin.
