Rêxistina Mafê Mirovan a Îranê, ragihand ku girtiyê siyasî yê Kurd Rizgar Begzade Baba Mîrî li dijî nezelaliya pêvajoya dadgehê û zextên saziyên ewlekariyê yên di dema lêpirsînê de dest bi greva birçîbûnê kiriye.
Hate diyarkirin ku Rizgar Begzade zêdetirî 22 mehan êşkence lê hatiye kirin û bi hinceta tometên ‘dijminatî û serhildanê’ metirsiya darvekirinê li ser heye.
Rêxistinê, destnîşan kir ku Rizgar Begzade Baba Mîrî di dema Şoreşa ‘Jin, Jiyan, Azadî’ de di tedawîkirina birîndaran û dabînkirina dermanan de alîkariya birîndaran dikir.
Hêjayî gotinê ye ku di 17’ê Nîsana 2023’yan de Rizgar Begzade Baba Mîrî ji aliyê hêzên rejîma Îranê ve hate binçavkirin. Rizgar Begzade 133 roj li girtîgeha yek kesî de hatiye hiştin û êşkenceyek tund a fîzîkî û derûnî lê hate kirin ku bû sedem perdeya guhê wî biperçiqe. Her wiha ji mafê parêzeriyê bêpar hate hiştin û 15 sal cezayê girtîgehê lê hat birîn.
