Rêveberê Giştî yê Rêxistina Çavdêriya Mafên Mirovan (HRW) Federico Borello anî ziman ku dorpêç ji taktîkek leşkerî derbas bûye û bûye polîtîkayek tinekirineke sîstematîk.
Borello daxuyand ku Îsraîl hewl dide nêzîkî 2 milyon xelkê Xezeyê di nav heremêmeke teng de bi cîh bike û herêmê din bike cihên ku mirov nikaribe lê bijîn.
Borello ev tişt anî ziman: “Dorpêça Îsraîlê taktîkên leşkerî derbas kiriye û bûye amûra tinekirinê.”
HRW’ê vê yekê wekî “tawanên li dijî mirovahiyê” pênase kir û da zanîn ku “ev pêla kirêt” metirsiya paqijkirina etnîkî û qirkirinê bi xwe re tîne.
Îsraîl ji 2’yê Adara 2024’an û vir ve hemû alîkariyên mirovî yên bo Xezeyê rawestandiye.
Rêveberiya Tel Avîvê îdîa dike ku wan ev gav ji bo tolhildana êrîşa 7’ê Cotmeha 2023’an a ji hêla Hamasê pêk hat û ji bo serbestberdana rehîneyan avêtiye.
Rayedarên HRW û NY’ê dibêjin ku ev nêzîkatî li ser sivîlan encamên dermirovî derxistiye holê û li Xezeyê krîzên xwarin, derman û sotemeniyê çêkiriye.
