Li gorî rojnameya The Timesê hikûmetê di civînên ku ji bo nirxandina senaryoyên krîzê hatine lidarxistin de îhtîmala ku dabînkirina CO₂ dakeve ji sedî 18 girtin dest.
CO₂ wekî berhemeke alîgir a hilberîna gubreyan tê bidestxistin û di gelek sektorên xwarinê yên mîna serjêkirina heywanan, parastina berhemên pakêtkirî û hilberîna vexwarinan de tê bikar anîn. Ji ber vê yekê, kêmbûna wê hem bandorê li hilberînê û hem jî li berhemên cûrbecûr bike.
SEKTORÊN XWARIN Û PÎŞESAZIYÊ DI XETERIYÊ DE NE
Rayedar diyar dikin ku kêmbûna CO₂ wê di qadên mîna hilberîna goşt, xwarinên pakêtkirî û hilberîna bîrayê de sînordar bike. Lê hikûmet pêşbînî dike ku ev yek li şûna di demek kurt de li ser rafan kêmbûnekê çêbike wê di hilberînên cûrbecûr de kêmabênekê derxe holê.
Wezîrê Bazirganî û Karsaziyê yê Îngiltereyê Peter Kyle diyar kir ku ev pirsgirêk niha ji bo aboriyê gefek cidî çênake û got, “Niha rewşekî ku mirov têxe metirsiyê tuneye.” Kyle anî ziman ku hikûmet ji bo xetereyan amadekariyê dike.
TEDBÎRÊN ACÎL DI ROJEVÊ DE NE
Di nava planên hikûmetê de zêdekirina hilberîna CO₂, pêşaniyê bide hin sektoran û heke pêwîst bike wê bi verastkirina qanûnan zexta hilberandina zêde li ser şîrketan bike. Hat diyarkirin ku sektorên tenduristî û enerjiyê di nava qadên pêşîn de ne û parastina xizmetên krîtîk ên wekî hilanîna xwîn û derziyê tên hedefkirin.
Her wiha hikûmetê berê ji bo piştgiriya hilberîndina CO₂ 100 milyon Sterlîn desteka xemaweriyê dabû. Rayedar destnîşan dikin ku heke krîz kûrtir bibe destwerdanên heman rengî bên rojevê.
