Koma Orkîd a wênesaziyê li hola Nûbelai ya bajarê Qamişloyê pêşengeha tabloyan a bi navê ”Çîroka serkeftinê” vekir. Hunermend, rewşenbîr, gelek welatî û ciwan beşdarî pêşangehê bûn.
Di pêşengehê de 130 tabloyên li ser xweza û jin ku bi destê 100 wênesazan ve hatine xêz kirin hatin pêşandan. Di pêşengehê de sînevizyona li ser kar û xebatên salekê ya Koma Orkîd hatibû amadekirin hat pêşandan. Piştre yek ji avakarê Koma Orkîd Samir Kalê û Hevseroka Desteya Çandê ya Kantona Cizîrê Firyal Çolî axivîn.
Hat diyarkirin ku hemû pereyên ku ji van tabloyan were qezenckirin wê ji bo ciwanên bi nexweşiya elasîmya, penceşêrê ne û li zarokên şehîdan were belavkirin. Piştre Samir Kalê xelat da sê şagirtên komê.
Di dawî de jî deriyê pêşengihê hat vekirin û gel bi kêfxweşî li tabloyan tameşe kirin.
