Yekîtiya Jinên Ciwan ên Helebê bi dirûşma “Ji bo azadiyê dem dema pêşengtiyê ye” bi daxwaza azadiya fîzîkî ya Rêber Apo meşek li dar xist. Xwendekar, endamên meclîs, komîn û saziyên sivîl tevlî meşê bûn. Di meşê de alên Rêber Apo û bankartên “Jin, Jiyan, Azadî” hatin hildan. Di meşê de bêyî navber dirûşmeyên “Bijî Serok Apo” û “Jin, Jiyan, Azadî” hatin berzkirin.
Meş li ber Dibistana Beraa Bin Malik a li rojhilatê taxa Şêxmeqsûdê dest pê kir û heta Qada Cebanatê berdewam kir. Li vir ji bo giyanê şehîdan deqeyek rêzgirtin hat girtin.
Endama Yekîtiya Jinên Ciwan Zeyenb Ebdo axivî. Zeyneb Ebdo di axaftina xwe de bal kişand ser banga aştiyê ya Rêber Apo û got: “Ev bang li ser asta xwecih, herêmî û navneteweyî hat qebûlkirin û bû sedema guhertinan li Rojhilata Navîn û cîhanê.”
Zeyneb Ebdo ji bo azadiya fîzîkî ya Rêber Apo banga mezinkirina têkoşînê kir.
Meş bi dirûşma “Bijî Serok Apo” û “Bê Serok jiyan nabe” bi dawî bû.
