Konferansa di bin navê ”Konferansa Yekrêzî û Yekhelwesta Kurdî li Rojavayê Kurdistanê” li Hola Parka Azadî bi deqîqeyekî rêzgirtinê destpê kir.
Konferans bi beşdarbûna zêdetirî 400 kes û tevahî Nûnerên Partîyên Kurd, Rewşnebîr, kesayetên serbixwe, Rêxistinên Jin û Ciwanan, Hunermend, Kesayetên Kurd ên ji bajarên Sûriyeyê yên weke, Şam, Heleb, Hema, Ezaz, Bab, Oldarên Rojavayê Kurdistanê, ji Bakurê Kurditanê Şandeya DEM Partî, ji Başûrê Kurdistanê nûnerên Rêxistin û Partîyan destpê kir.
Di despêka konferansê de xêr hatina mêvanan ji alîyê komîteya amadekar ve hate kirin. Piştre dîwana konferansê hate hilbijartin ku ji hevseroka Daîreya Têkiliyên Derve ya Rêveberiya Xweseriya Demokratîk a Herêma Bakur û Rojhilatê Sûriyeyê Îlham Ehmed, Hevseroka Partiya Yekitiya Demokratîk (PYD) Perwîn Yûsif û serokê Encumane Nîştimanî ya Kurd li Sûriyeyê Mihemed Îsmaîl pêk hat. Fermandarê Giştî yê QSD’ê Mazlûm Ebdî wê axaftina vekirinê bike.
