Li Afganîstan û Pakîstanê barîna zêde ya baranê, lehî, hezaz û bahozên ku rojên dawî bi bandor bûn, bûn sedema windakirina gelek canan. Hate ragihandin ku li her du welatan di du hefteyên dawî de hejmara kesên jiyana xwe ji dest dane gihiştiye herî kêm 121’an.
Li gorî Saziya Rêveberiya Karesatên Neteweyî ya Afganîstanê, ji 26’ê Adarê ve li seranserê welat ji ber baran û lehiyê 77 kesan jiyana xwe ji dest daye, 137 kes jî birîndar bûne. Rayedaran eşkere kir ku tenê di 48 saetên dawî de 26 kesan ji ber lehî, birûsk, herifîna axê û baranê jiyana xwe ji dest dane.
Li Pakîstanê jî ji 20’ê Adarê ve ji ber şert û mercên neyînî yên hewayê herî kêm 44 kesan jiyana xwe ji dest daye. Herî zêde windahiya canî li eyaleta Heyber Pahtunhva ya li bakurê welat pêk hat, li eyaleta Belûcistanê jî gelek mirin hatin tomarkirin.
Li parêzgeha Gaznî ya Afganîstanê jî hate diyarkirin ku zarokekî 4 salî yê ku li derve dilîst, li ber ava lehiya ji nîşka ve rabû çû û jiyana xwe ji dest da.
