Li gorî Navenda Çavdêriya Mafên Mirovan a Sûriyeyê (SOHR), şêniyên herêma Cebel Eqîl a bajarê Babê yê bakurê Helebê tev li daxuyaniya ku berê banga wê hatibû kirin bûn.
Ev çalakî ji nîvê Nîsanê ve dewam dikin. Şênî bi daxwaz û mafên xwe yên vegerandina xak û malên xwe ku ji 2017ˊan ve hêzên dewleta Tirk kirine cihên leşkerî girêdayî ne.
Di çalakiya protestoyî de şêniyan got ew bi pabendî tevgera aştiyane, mafên xwe ne û daxwaza vegerandina xak û malan li xwediyên wan kir. Şêniyan anî ziman ku ev daxwazên wan çend sal e bê çareserî maye.
Şêniyan gazin kir ku hêzên li baregehê hatine bicihkirin bi sedan mal rakirin û zeviyên rast kirin. Ev yek bi armanca berfirehkirina derdora baregehê û tesbîtkirina hebûna leşkerî ye. Li kêlek vê kiryarê gelek mal û erdên welatiyan hatin desteserkirin.
