Navenda Ragihandinê ya Hêzên Ewlekariya Hundirîn a Herêma Bakur û Rojhilatê Sûriyeyê daxuyand ku îro xaleke kontrolê ya li bajarokê Hewayic Zîban ê li gundewarê Dêrazorê ji hêla 2 kesên nenas ve ku li motorsiklêtê siwar bûbûn, rastî êrîşeke çekdarî hat. Çekdaran gule li noqteya kontrolê barandin û reviyan. Lê tu birîndarî di nava endamên hêzan de çênebûn.
Navendê diyar kir ku ev êrîş, di çarçoveya rêzeêrîşên terorane ku şaneyên çeteyên DAÎŞ’ê bi armanca tevliheviya ewlehî û îstîqrara li herêmê de, pêk tên.
Li gorî navendê, komeke şaneyên çeteyên DAÎŞ’ê şeva berê jî êrişî nuqteyeke hêzên ewlehiyê li bajarokê Zîban kir û hêzan bersiv da êrîşê.
