Ji bo şehîdên Gerîlayên Azadiya Kurdistanê li navçeya Gever a Colmêrgê konê sersaxiyê hate vedan. Li qada sersaxiyê wêneyên şehîdan, posterên Rêber Apo û pankarta bi nivîsa; ‘’Şehîd Namirin’’ hatin vekirin.
Ji çar aliyên Colemêrgê hejmareke zêde ya welatiyan berê xwe da konê sersaxiyê. Malbat sersaxiyan qebûl dikin û li qada sesaxiyê ji bo bîranîna şehîdan gul hatin danîn.
Endamên Meclîsa Dayikên Aşitiyê yên Colemêrgê bi dirûşmeya ‘’Şehîd Namirin’’ derbasî qadê bûn. Malbat jî bi berzkirina dirûşmeya ‘’Şehîd Namirin’’, ‘’Bijî Serok Apo’’ û hilgirtina wêneyên zarokên xwe yên şehîd ketin qadê.
Bername li gel rêzgirtinê dest pê kir piştre sirûda ‘’Çerxa Şoreşê’’ hate xwendin û sînevîzyonek hate pêşkêşkirin.
Her wiha li 8 gundên cuda jî konên sersaxiyê hatin vedan.
