Li gorî encamên fermî yên roja Çarşemê hatin ragihandin, li Gronlandê Partiya Siumut ya demokrat ji pênc şaredariyan di sêyan de bû partiya yekem.
Serokê partiyê Vivian Motzfeldt li ser medyaya dijîtal partiya xwe pîroz kir û got: ‘’Partiya ezîz Siumut, te li sernaserê weltê gelek kes anî ba hev û te hêviyeke mezin afirand.’’
Partiya Siumut ya demokrat ku ji salên 1970’yî ve li Gronlandê xwedî hêzeke mezin e, di hilbijartinên parlamentoyê yên sê hefteyan beriya niha de bûbû partiya çaremîn. Gronlanda ku girêdayî Danîmarkayê ye û herêmeke xweser e, ev demeke dirêj e di armanca serokê DYE’yê Donald Trump de ye ku îlheq bike. Welatiyên herêmê li hemberî vê nêzîkatiyê nerazîbûnên xwe nîşan didin û dibêjin ku herêma nayê firotin.
Li gorî Washington Post’ê jî Koşka Spî a niha lêçûnên kontrolkirina herêma Gronlandê dike. Tê payîn ku Serokwezîrê Danîmarkayê Mette Frederiksen îşve biçe Gronlandê.
Mette Frederiksen wê heya roja Înê li vir bîmîne û dê têkildarî xurtkirina yekîtiya xwe ya li gel Gronlandê hevdîtinan pêk bîne.
