Li navçeya Novoalêksandrovska ya bajarê Krasnozorînska ya herêma Stavropol bi beşdariya 6 tîmên futbolê yên ji Novoalêksandrovskê û Adigêyê, bi wesîleya 4’ê Nîsanê rojbûna Rêber Apo tûrnûvaya 5’emîn a futbolê hate lidarxistin.
Li vir ji Hevserokatiya Otonomiya Kurdên herêma Stavropolê Huseynê Çerkez axivî û rojbûna Rêber Apo pîroz kir. Huseynê Çerkez têkildarî armanc û wateya lidar xistina tûrnûvaya futbolê nêrîna xwe anî ser ziman û got, “Em hêvî dikin ku di demekî kurt de azadiya Rêber Apo pêk bê û bi vî rengî em pêşbirkên xwe diyarî Rêber Apo bikin.”
Huseynê Çerkez di dawiya axaftina xwe de ji pêşbirkvanan re serketin xwest. Piştre dirûşmeya “Bijî Rêber Apo” hat berzkirin.
Piştre pêşbirka tîmên futbolê destpê kir. Pêşbirk heya 4 saetan dewam kir. Di encamê de tîma tîma Adigêyê “Botan” bû yekemîn. Tîma Zagros a ji gundê Sîngêlêevkê bû duyemîn girt û Tîma Amedê ya ji Novoalêksandrovskê jî bû sêyemîn.
Tîmên bi ser ketine, hatin xelatkirin.
Berpirsyarê sporê ya otonomiya kurd Hesenê Ferman Rûstêmov û Rustem Mamêdov axivîn û 4’ê Nîsanê pîroz kirin. heyranîya bi rojbûna Rêber Apo pîrozkirin, spasiya xwe anîn ser ziman.
Tûrnova bi berzkirina dirûşmeyên “Bijî Rêber Apo” û “Rojbûna te pîroz be” bi dawî bû.
