Bi sedan kes ji şêniyên bajarê Kobanê, endamên saziyên Rêveberiya Xweser, partiyên siyasî, rêxistinên jinan şervanên YPG`ê Şehîn Kobanê (Mûsa Mihemed) ku 23`yê Çileyê li Sirînê, Çiyager Kobanê (Ronîcan Hemî) ku 23`yê Çileyê li Sirînê, Welat Kobanê (Mihemed Elî) ku 23`yê Çileyê li Sirînê, Ednan (Ednan Elî) ku 23`yê Çileyê li Xan Mamedê, Amargî Zîrek (Îmer Hemo) ku 23`yê Çileyê li Xan Mamedê, Elî Doşka (Elî Hisên) ku 23`yê Çileyê li Sirînê şehîd bûbûn, îro li Pakrewangeha Şehîd Dîcle oxir kirin û şervanê Hêzên Komandos şehîd Dilsoz Helinc (Mistefa Mihemed) ku 17`ê Çileyê li Dêrezorê şehîd bûbû, hat bibîranîn.
Merasîmê bi deqeyeke rêzgirtinê destpê kir. Dûre endamê Meclisa Malbatên Şehîdan a bajarê Kobanê Şêx Ehmed Hemo sersaxî ji malbata şehîdan re xwest û wiha got: “Şehîdên me bi hemû hêza xwe li hemberî dijmin li ber xwe da û têkoşîn kir, em ê bi her tim li pey xeta şehîdan û xeta berxwedanê bin, ji bo ku em ê Sûriyeyeke demokratîk ava bikin. Em soz didin şehîdên xwe ku em ê xwedî li mîrasa şehîdên xwe derkevin.”
Hevseroka Tevgera Civaka Demokratîk (TEV-DEM) Rûken Ehmed sersaxî ji malbata şehîdan re xwest û diyar kir ku ew ê bi saya şehîdan bi ser bikevin.
Rûken Ehmed anî ziman ku ew ê bi berxwedana gel û şervanên azadiyê komployên li dijî gelê Kurd têk çû û wiha got: “Gelê me bi hemû hêza xwe li ber xwe dan û têkoşîn kir û li dijî dijmin berxwedaneke bê hempa dan meşandin. Gelê me xwedî hêza herî xurte û bi vê hêza herî xurt a gelê Kurd û şervanên azadiyê em ê bi ser bikevin. Em ê bi saya şehîdên azadiyê û berxwedana gelê azadîxwaz bi ser bikevin û azadiyê misoger bikin.”
Piştre malbatên şehîdan axivîn û diyar kir ku ew ê xwedî li mîrasa şehîdên xwe derkevin û soza bilindikirina têkoşînê da.
Dûre wesîqeyên şehadetê hatin xwendin û radestî malbatên wan hatin kirin.
Di dawiyê de cenazeyên 6 şehîdan bi tiliyan û dirûşmên “Şehîd namirin” hatin oxirkirin.
