Li Wargeha Mexmûrê bi pêşengiya komuna SineMexmûr filmê ‘Dema Dirîreşkan’ hate pêşandan.
Di vekirina pêşandana film de di şexsê du endamên film şehîd Mansur Kerimyan û Mehmet Emîn Yalçinkaya de, ji bo hemû şehîdan deqeyek rêz hate girtin.
Piştre ji lîstokvanên film Şemzîn Şîn û Serhat Guler axivîn.
Ji Mexmûrê gelek welatî weke lîstokvan û fîguran tevlî film bûn ku sala 2017’an li qada Pêncewîn a Başûrê Kurdistanê hate kişandin. Produksiyona film ji aliyê Med Film, Demkat Film û komuna Rojava Film ve hatibû temamkirin û weşandin.
Alîkarê derhêner Numan Yîgît ji ber şert û mercan nekarî beşdarî bernameya film a li Mexmûrê bibe, bi peyameke bi dîmen tevlî bû.
Bername li Navenda Çand û Hunerê ya Mexmûrê hate lidarxistin. Endamên Komuna SineMexmûr, lîstokvanên film û gel tevlî bûn. Di dema bernameyê de lîstokvanên di film de cih girtine, hestên xwe anîn ziman. Selîm Tarhan, Sûltan Yildiztan û Ayşe Arzû mafê axaftinê girtin.
Di dawiya bernameyê de dîmenên li pişt perdeya film hatin temaşekirin, zehmetî û keda kolektîf a hatî dayîn hate pêşandan.
