Kar û barê îfadeya 55 kesên li Wanê bi hinceta tevlî çalakiyên protestokirina nedayîna mazbataya Hevşaredarê Bajarê Mezin a Wanê Abdullah Zeydan bûne di 13’ê gulanê de hatibûn binçavkirin, bi dawî bû. Ji 55 kesên bi îdiaya “li hemberî polîsan derketine” , “endamtiya rêxistinê” û “zirar daye malê cemaweriyê” hatibûn binçavkirin, 21 kes bi heman sûcdariyan hatin girtin, 34 kes jî bi şertê kontrola edlî hatin berdan.
Li aliyê din ji 27 kesên di 2-3’yê nîsanê de di berxwedana Wanê de hatibûn binçavkirin û girtin 20 kes duh bi şev bi biryara navberê ya dadgehê hatin berdan. Bi îtîrazên beriya niha hatibûn kirin jî 7 kes hatibûn berdan.
