Bi pêşengtiya KESK, TMMOB, TTB, TDB, ÎHD û OHD’ê li wanê bi dirûşma “Ji bo ked, aştî, azadî, edalet û demokrasiyê em di 1’ê Gulanê de li qadan e” mitînga 1’ê Gulanê Cejna Karker û Kedkaran hat lidarxistin. Mitîng, li Qada Bajar a navçeya Rêya Armûşê hat lidarxistin.
Girse, beriya mitîngê li pêşiya Nexweşxaneya Hayatê kom bû û piştre bi pankart, dovîz û dirûşman dest bi meşê kir.
Hevserokê Şaxa Tum Bel Senê ya Wanê Ekrem Pala di mitîngê îşaret bi pêvajoya ji hêla Rêber Apo ve hatiye desptêkirin kir û got: “Banga Aştî û Civaka Demokratîk ne çareseriyeke siyasî lê di heman demê de dermanê kedê ye. Ekolojî û azadiya jinê ye.”
Endamê Lijneya Rêveber ê Şaxa DÎSK Genel Îş’a Wanê Hekîm Tan jî ew li dijî kedxwarî, krîza aborî, bêkarî û xizaniyê li qadan e.
‘1’Ê GULANÊ XWEHA ENIYÊ YE’
Li ser navê 223 karkerên ji Şaredariya Bajarê Mezin a Wanê ji hêla qeyûm ve ji kar hatiye avêtin jî Elîf Gemîcîoglû axivî û got dê têkoşîna wan bidome. Elîf Gemîcîoglû anî ziman ku 1’ê Gulanê ne tenê cejn lê di heman demê de xweha eniya wan e.
‘AŞTÎ NE LUTIF E PÊDIVÎ YE’
Hevserokê Giştî yê KESK’ê Ahmet Karagoz jî diyar kir ku heta demokasî, wekhevî û azadiya kedê çênbe dê aştî jî nebe û got: “Em kesên kedxwariyê hêjayî kedê dibînin protesto dikin. Dinya di pêvajoyeke nû ya parvekirinê de ye. Li Rojhilata Navîn xeteke nû tê xêzkirin. Em li vir diqîrin, NATO rêxistina şer e. Ne aştiyê dê şer bîne. Divê baregehên NATO’yê yên li welatê me bên girtin. Çavkaniyên welat ji bo şer hatin xerckirin. Gelê Kurd gavên mezin avêt lê heta niha wan tu gavek neavêtiye. Aştî ne lutif e, pêdivî ye.”
