Malbata Selîm Sadak peyamek weşand û got, “Çinarê malbata me, tevahiya jiyana xwe ji bo têkoşîna azadî, rûmet û demokrasiyê ya gelê xwe feda kir. Ji bo ku di wê pêvajoya nexweşiyê û wefata Selîm Sadak de; ku gelê me ji hem seranserê Ewropayê hat, li tenişta me cih girt û hem jî bi rêya telefonê geriyan û peyamên piştgiriyê yên dostanî û hevrêtiyê dan me, em li ser navê malbata xwe ji dil û can sipasiya wan hemûyan dikin.”
Peyama malbata Selîm Sadak bi vî rengî dewam kir:
“Mezinê malbata me, bavê me, ji Cejna Qurbanê û vir ve li Heilbronn a Elmanyayê tedawî dibû. Di wê pêvajoyê de bi saya eleqe, rêz û hezkirina ku hat nîşandan, bû xwedî moralekî mezin. Em spasiya xwe li gelê xwe yê Ewropayê û rêxistina partiya xwe dikin ji bo piştî wefatkirinê, ji teslîmgirtina cenazeyê ya ji nexweşxaneyê heta oxirkirina Kurdistanê ya ber bi Hezexê ve qasek jî me tenê nehiştin û bûn hevalbendên êşa me. Digel rewşa hewayî ya xerab jî gel û hevrêyên me bi awayekî girseyî li Hezexê bavê me oxirkirin ber bi rêwîtiya wî ya dawî û tevlî şîna me bûn. Her wiha ji bo wan jî spasdar û minetdar in. Ev xwedîlêderketin, bû nîşana bîr û têkoşîna hevpar.
Ji ber ku bavê me di jiyana xwe de xwe dabû ber gelek bar û berpirsiyariyan, em dizanin ku heval û dostên wî yên ku jê hez dikirin û dixwazin werin şîna wî, pir in. Ji ber vê yeke, em wan hêviyên ku wê li Sêrtê û Ewropayê jî şîn were danîn fêm dikin û rêz û hurmeta me ji wan re heye.
Lê belê, şert û mercên dîrokî û siyasî yên ku îro em tê de ne; bi taybetî Rojava di serî de, ku li gelek herêmên Kurdistanê rewşeke seferberiyê ya ku didome û bi berdêlên giran ên ku keç û xortên gelê me bi canê xwe didin li ber çavan bigrin, tîne bîra me ku di şînê de jî sînorê berpirsiyariyên kolektîf û exlaqî hene. Ji ber vê yekê, em malbata yekî wekî Selîm Sadak şoreşger ku jiyana xwe di ber têkoşîna azadiyê ya gelê xwe da feda kiriye, em dixwazin raya giştî tev pê bihese ku em rast û maqûl nabînin dîsa şînê dayînin û mirovan bi serê rêyan bixin.
Ev biryara me ne ji kêmbûna dilsoziyê ye; encama xwezayî ya xeta siyasî û felsefeya jiyana bavê me ye. Helwesta wî ew bû ku êşa xwe nexe pêşiya êşa gelê xwe û wate jî ne ku di dubarebûna danîna şînê de, lê divê di berdewamiya têkoşînê da bê dîtin.
Ji bo me, taziyeya rastîn ew e ku; nirxên Selîm Sadak parastine em pê bijîn, em xwe bidin kêleka gelê xwe yê berxwedêr û baweriya xwe ya bi têkoşîna azadiyê xurt bikin û zindî bihêlên. Em bi wê hêvî û baweriyê ne ku ev biryara me, ji aliyê hemû hezkirî û hevrêyên wî ve wê bi heman bîrbiriyê were fêkirin û qebûlkirin.
Bîranîna Selîm Sadak; wê di têkoşîna hevpar a gelê me de û di wê baweriya me ya siberojên azad de bijî.”
