Desteya Mamostayên Kurd û Îranî di salvegera çaremîn a Şoreşa “Jin Jiyan Azadî” de tekez kir ku misogerkirina perwerdeyek rizgarker ji azadiya jinan û parastina mafên mamoste û xwendevanan nayê cudakirin û şoreş dê paşve gav ne avêje.
Desteya Hemahengiya Yekîtiya Mamostayan û Desteya Hemahengî Rêxistinên Pişeyî ya Mamostayên Îranê bi boneya 4’emîn salvegera şoreşa “Jin Jiyan Azadî” daxuyaniyek weşand.
Di daxuyaniyê de wiha hat gotin: “Şoreşa ‘Jin Jiyan Azadî’ fikarên tepeserkirî yên bi milyonan kesan veguherand yek ji tevgerên civakî yên herî berfireh ên dîroka hemdem. Vê şoreşê asoyên nû li bajar, dibistan û zanîngehan vekir, bû sedema guhertinên berdewam di hebûna civakî ya jinê û têkçûna ferzkirina serpoşa bi zorê de.”
Bêyî cudakariya nijadî, azadiya cil û bergan û rûmeta mirovan, misogerkirina perwerdeyek rizgarker û xwendingehên azad ne mimkûne. Parastina mafên mamoste û xwendevanan ji parastina azadiya jinan nayê veqetandin.
Hewldanên rejîmê ji bo vegerandina serpoşa bi zorê û ferzkirina tundiyê bê feyde ne. Em berdewam dikin ku berevaniya daxwazên rewa yên jin û mêrên vî welatî ji bo guhertinan li rûyê welat bikin. Ew êdî paşve gav navêje û rejîma Îranê şikest xwariye.”
