Di meşa ku roja duyemîn a Forûma Azadî û Aşitiyê hate lidarxistin de seredanên mekanên ku ji berê heya niha bûyerên girîng lê qewimîne û bandorên mezin li bîra bajêr kirine, hate kirin. Meşê li Qada Şêx Seîd dest pê kir û ji Navenda Bîrê Derya Bozarslan çîroka Şêx Seîd ê ku di 29’ê Hezîrana 1925’an de li heman qadê hate darvekirin ji beşdarvanan re vegot.
Beşdaran piştre ber bi Otêla Mezin a Rojnameger û Nivîskar Mûsa Anter (Apê Mûsa) serdemekê midûriyeta wê dikir ve meşiyan ku Apê Mûsa di 20’ê Îlona 1992’an de li taxa Seyrantepe ya Amedê ji aliyê JITEM’ê ve hate qetilkirin. Her wiha beşdarvanan piştre seredana Otêla Demîr a li ser heman cadeyê kirin ku Serokê berê yê Baroya Amedê Tahîr Elçî ku hate qetilkirin di tevahiya jiyana xwe de gelekî otêla berbehs bi kar dianî. Derya Bozarslan di van seredanan de têkildarî atmosfera serdemê û bûyerên li van deran qewimîne axivî. Piştre jî beşdarvan ber bi otêla kardêrê Kurd Behcet Canturk ve meşiyan ku Canturk di 14’ê Çileya 1994’an de li Stenbolê li gel şofêrê xwe hate revandin û pişte hate qetilkirin, meşiyan.
Meşê li kolanên Sûrê ên ku piştî qedexeya derketina derve yên di sala 2015’an de lê şer û pevçûnên mezin çêbûbûn, berdewam kir. Her wiha beşdarvanan seredana Bînaya Edliyeyê ya berê, Bînaya Cendirmeyan a berê, Minareya Çarling û Dêra Mar Petyûm a Keldaniyan jî kir û têkildarî mekanên berbehs agahî hatin dayîn.
