Çarçoveya Destnîşankirina Entegreya Ewlekariya Xurekê (IPC) a ser bi Neteweyên Yekbûyî ve ku navenda wê li Romayê ye, diyar kir ku zêdeyî 500 hezar kes di asta ‘felaketê’ de birçî ne. IPC destnîşan kir ku ev yek xela destpêkê ye ku li Rojhilata Navîn hatiye ragihandin.
Li gorî saziyê, xela di halê hazir de li bajarê Xezeyê heye. Tê payin ku heta dawiya meha Îlonê bigihêje Deyr el-Belah û Xan Yûnisê.
HEJMARA QURBANIYAN ZÊDE DIBE
Roja ku xela hate ragihandin, Îsraîlê êrîşeke hewayî bir ser dibistaneke li taxa Şêx Ridvan a li bakurê Xezeyê ku Fîlîstîniyên koçberbûyî lê bûn. Hate ragihandin ku di encama êrîşê de 12 kesan jiyana xwe ji dest dan.
Li gorî agahiyan, di nava rojê de hejmara mirovên li Şerîda Xezeyê jiyana xwe ji dest dan gihîşt 25 kesan. Hate ragihandin ku di nava qurbaniyan de zarok jî hebûn.
