Turk li Cenevreyê ji Konseya Mafên Mirovan a NY’yê re axivî û anî ziman ku wan piştrast kirine ku sala 2025’an herî kêm 11 hezar û 300 sivîlan jiyana xwe ji dest dan.
Turk diyar kir ku bi hezaran kes hîn jî winda ne, yan jî nasnameya wan nekariye bê tespîtkirin û herî kêm 500 bûyerên destdirêjî û destavêtinê bi belge kirine.
Turk got ragihand ku înfaza bê daraz a mirovên bi îdîaya “pêwendiya xwe bi dijmin re heye” zêde bûye û got, şer hîn giran bûye.
Volker Turk diyar kir ku di sala 2025’an de ji bilî windahiyan û cesedên nasnameya wan nediyar hejmara mirina sivîlan li gorî salek berê bi du qat û nîvî zêde bûye. Volker Turk ragihand ku ji kuştina mirovan hêzên paramîlîter, artêş û piştevanên wan ên biyanî berpirsyar in.
Li Sûdanê nêzî sê sal in artêşa Sûdanê û hêzên paramîlîter Hêzên Piştevaniya Lezgîn li dijî hev şer dikin. Di şer de bi deh hezaran kesî jiyana xwe ji dest dan. Her wiha nêzî 13 milyon mirov jî ji cih û warê xwe bûn, ku 4 milyon ji wan neçar man derkevin derveyî wlat. Li gelek herêmên welêt jî xelayê destpê kir. Tê gotin, pêwîstiya bi dehan milyon mirovî bi alîkariya mirovî heye.
Neteweyên Yekbûyî ji bo bidawîkirina şer û parastina sivîlan banga avêtina gava lezgîn dubare kir.
