Nobeda ku Meclisa Ekolojiyê ya Gimgimê li dijî projeya Santrala Enerjiya Jeotermal (JES) ku ji aliyê Şîrketa IGNIS H2 ya Emerîkî ve tê xwestin li gundê Xwarik ê navçeya Gimgim a Mûşê bê çêkirin, berdewam dike. Di roja 58’emîn a nobeda konan de pankarta “Dayika me hemûyan heye. Ew jî ax e. Li Gimgimê em ê destûrê nedin ku dest bidin axa me. Jinên Gimgimî vê talanê red dikin” hat daliqandin.
Meclisa Jinan a Platforma Ekolojiyê ya Gimgimê, bi munasebeta meha Muherremê ku li gorî baweriya Elewiyan wek “Meha Matemê” tê qebûlkirin, aşûre çêkir. Piştî gulbang û lawjeyên Rûkiye Hurustan a ji Ocaxa Mansûr xwend, aşûre hatin belavkirin. Jinên ku Aşûre belav kirin, daxwaz kirin ku talanên xwezayê bê bidawîkirin û aştî bê pêkanîn.
Parlamentera Partiya Wekhevî û Demokrasiyê ya Gelan (DEM Partî) Sumeyye Boz di bernameyê de axivî û got: “Aşûreya ku hatî belavkirin bila bibe wesîleya aştî û pêkvejiyanê li Gimgim, Serhed û Kurdistanê.”
Hevşaredara Gimgimê Gulbahar Kaya jî anî ziman ku ev çalakî berxedanek li dijî zaliman e û Hevşaredar Giyasettîn Aydemîr jî qala girtingiya meha Muherremê kir û got: “Emê heta dawiyê berxwdana xwe bidomînin.Bila gumana ti kesî tine be. Rojiya ku em digirin û loqmeyên em belav dikin bila bên qebûlkirin.”
Endamê Platforma Ekolojiyê ya Gimgimê Çayan Dursun, gel vexwe nobeda sibê.
Endama Meclîsa Jinan a Platforma Ekolojiyê ya Gimgimê Alev Yilmaz jî got, “Niha em bi komkujiyekê re rû bi rû ne. Bi rêbazeke cûda berdewam dikin. Wekî mirovên ku li vê herêmê dijîn em pelekî darê, ne kevirekî û ne jî dilopek avê nadin wan.”
Bernameya aşûreyê bi dirûşma “Jin, jiyan, azadî” bi dawî bû.
