Saziyên Neteweyên Yekbûyî bi rapora hevbeş a weşandin de hişyarî dan ku zêdebûna germahiya gerdûnî her ku diçe bandorên wêranker li ser tenduristî û berhemdariya karkeran çêdike û ji bo kêmkirin xetereyan daxwaza tedbîrên bilez kirin.
2.4 MILYAR KARKER DI XETEREYÊ DE NE
Li gorî daneyên Rêxistina Navneteweyî ya Xebatê (ILO) li seranserî cîhanê 2.4 milyar karker, bi gotineke din ji sedî 71 hejmara karkeran bi germahiya dijwar re rû bi rû dimînin. Ev yek her sal eê li ber 22.8 milyon qezayên kar û 19,000 mirinan vedike.
XETEREYA LI SER TENDURISTIYA Û ABORIYA KARKERAN
Li gorî raporê tavgestin, kêmbûna avê, nexweşiya gurçikan û nexweşiyên norolojîk bandorên herî zêde ne. Bi taybetî jî karkerên di sektorên çandinî, înşaet û masîgiriyê de dixebitin di xetereyê de ne. Pispor destnîşan dikin ku her ji ser 20°C zêdebûna 1°C, bermahiya xebatê ji sedî 2-3 kêm dike.
Cîgira Sekreterê Giştî yê DMO’yê Ko Barrett got, “Stresa germahiyê êdî tenê ne pirsgirêka welatên ekvatorê ye, pirgirêka civakî ya li seranserê kurevî ye. Hem ji aliyê tenduristî ve û hem jî ji aliyê aborî ve parastina karkeran ferz e.”
NIKARIN JI VÊ RASTIYÊ BIREVIN
Saziyên NY’ê destnîşan kirin ku divê kal û pîran, nexweşên kronîk û karkerên di aliyê fîzîkî de qels in divê pêşî bêne parastin. Rayedarê DSO’yê Johan Stander got, “Li pêşiya me rojên germ ên dijwar hene. Nikarin ji vê ratiyê birevin: Yan xwe li gorî wê biguherînin an jî tinebûn.”
