Platforma Kurdên Anatoliya Navîn (PKAN) li paytexta Danîmarka Kopenhagenê û li paytexta Swêd Stockholmê semîner lidar xist.
Semîner li ser nasandina pirtûka li ser Kurdên Anatoliya Navîn bûn, ku ji aliyê deh akademîsyen û rojnamevanekî ve hate nivîsandin. Semîner ji aliyê du nivîskarên pirtûkê ve hat dayîn.
Di semîneran de Prof. Dr. Mehmet Gurses di semîneran de qala rastiya Kurdên li Anatoliya Navîn kir û got, “Kurdên Anatoliya Navîn, di nav deryaya ‘Tirkî’yê de Kurd mane. Kovar derxistin, platform ji xwe re ava kirin.”
Mehmet Gurses got, “Pirtûk bi hevkariya akademîsyenên hêja hate amadekirin. Me xwest rastiya Kurdên Anatoliya Navîn ragihînin dinyayê.”
Hate ragihandin ku pirtûk bi zimanê Îngîlîzî hatiye amadekirin û sala 2026’an wê bê weşandin.
Nivîskarên pirtûkê piştî danasînê bersiv dan pirsên guhdaran.
