Hat zanîn ku 14’ê Hezîranê komên ‘Têkoşîna li dijî Terorê’ bi ser Girtîgeha Girtî ya Tîpa T a Karabukê de girtine. Hat destnîşankirin ku di dema serdegirtinê de li her qawîşekê qasî 10 saetan bê navber lêgerîn hate kirin.
Nivîsên ayîdên girtiyan, çîrokên Kurdî û xebatên çîrokan, kovar, pirtûk û tiştên wan ên ayîdê malbatên wan hatin desteserkirin. Hat diyarkirin ku qawîş hatin belavkirin. Serdegirtina polîsên TEM’ê ku ne cihê wan ê wezîfeyê ye, car din êşkenceya kêfî û sîstematîk ên li girtîgehên dewletê raxist ber çavan.
Girtiyên ku tevî cezayên wan qediya ne, înfazên wan hatine şewitandin û di bin 30 salan re hikûm xwarine, ev in:
– Mehmet Sarılatın
– Aydın Kudat
– Abdurrahman Guner
– Ali Koç
– Mustafa Karakaya (8 sal)
– Ejder Dogan (12 sal)
– Abdullah Ok (6 sal) (3+3 taloqkirin)
– Adem Oktay (12 sal)
Girtiyên ku 30 sal temam kirine û înfazên wan hatine şewitandin, ev in:
– Hakki Aygun (16 Îlon 2023)
– M. Şirin Taşdemir (17 Îlon 2023)
– Kadri Akkoç (31 Cotmeh 2023)
– Hasan Ogut (26 Çile 2024)
– Ali Haydar Elyakut (14 Hezîran 2024)
– Muhuttin Pirinççioglu (5 Tîrmeh 2024)
– Halil Temel (30 sal)
Girtiyan anî ziman ku li hemberî yên li girtîgehan û yên ku cezayên wan temam bûne, hiqûqa dijmin tê pêkanîn û ti girtî nehatine berdan. Girtiyan û malbatên wan bang li raya giştî kirin û destnîşan kirin ku divê ev pêkanîn kêfî demildest bi dawî bibin û diyar kirin ku eger bêhiqûqî dewam bike, wê li ber girtîgehan çalakiyê bidin destpê kirin.
