Li gorî peymanê, damezrînerê Oracleê Larry Ellison, damezrînerê Dellê Michael Dell, patronê medyayê Rupert Murdoch û fonên veberhênanê yên Silver Lake Partners û Andreessen Horowitz dê bibin şirîkên nû yên platformê. Şirketa çînî ya sereke ByteDance jî dê ji sedî 20 kêmtir hîsseyekê di destê xwe de bigire.
Trump got ku versiyona amerîkî ya TikTokê dê bi awayekî “bêalî” bê birêvebirin, lê wî herwiha pejirand ku ew ê vebijêre ku platformê “bi tevahî” bi tevgereke ku wî bi xwe ava kiriye, yanî “MAGA” (Make America Great Again – Amerîkayê Dîsa Mezin Bike), bê rêvebirin. Herwisa hate ragihandin ku algorîtma platformê jî dê kopiyeke wê ya taybet ji bo Amerîkayê hebe.
Kongreya Amerîkayê, ji ber tirsa ku Çîn bigihîje daneyên bikarhêneran û algorîtmayê ji bo bandora siyasî bikar bîne, di sala 2024’an de şert dabû ku TikTok ji ByteDanceê veqete. Bi fermaneya nû, ji bo firotinê dîroka dawî 23ê Çileya 2026’an hate diyarkirin.
Trump diyar kir ku serokê Çînê Şi Cinping peyman pejirandiye, lê rêveberiya Pekînê jî ji Amerîkayê daxwaz kir ku ji bo şirketên çînî hawîrdoreke bazirganiyê ya “dadmend û bê cihêkarî” peyda bike.
