Li herêma Bannu ya li bakurrojavayê Pakistanê di êrişa xwekujî de herî kêm 5 sivîlan jiyana xwe ji dest dan.
Li gorî agahiyên ku rayedarên xwecihî dan AFP’ê, êrişkar wesayiteke bombebarkirî bi kar anî û êvara Pêncşemê li malekêt ket û teqiya. Di êrişê de 3 jin û 2 zarokan jiyana xwe ji dest dan, 4 kes jî birîndar bûn.
Rayedarê polîsên xwecihî Mûhammed Sajjad Khan anî ziman ku li gorî texmînan êrişkar xwest qereqola polîsan bike hedef, lê belê bêyî ku bigihêje armanca xwe li maleke sivîlan ket.
Heta niha kesî berpirsyariya êrişê li xwe negirtiye. Li gel vê yekê Talîban a Pakistanê ku salên dawî êrişên xwe yên li herêmê zêde kiriye, bi taybetî êrişî hêzên ewlekariyê dike.
Rêveberiya Îslamabadê hikumeta Talîbanê ya li Efganistanê sûcdar dike ku komên çekdar ên êrişan li ser Pakistanê plan dikin asteng nake. Rêveberiya Kabûlê jî van sûcdariyan red dike.
