Navenda Ragihandinê ya Hêzên Sûriya Demokratîk (QSD) bi boneya Cejna Newrozê daxuyaniyeke nivîskî li ser malpera xwe ya fermî weşand.
Daxuyanî wiha ye:
“Em Cejna Newrozê li gelê xwe yê Kurd û tevahî gelê xwe yê li Sûriyeyê û cîhanê pîroz dikin û silav ji tevahî şervanên ku parastina welat, ewlehî û îstîqrara wê dikin re dişînin. Em hêvîdar in ku Newroza îsal jî wek sersala Kurdî û destpêka biharê li Sûriyeyê bibe destpêka serdemeke nû.
Newroz xwedî wateyên berxwedan û aştî ye. Agirê Newrozê bi xwe temsîla serkeftina li dijî zilmê dike û nîşaneya aştî û ewlehiyê ye û piştre Newroz bûye ya tevahî gelên herêmê. Di vê rojê de gel kêfxweşiyên xwe yên bidestxistina azadiyê tînin ziman.
Em bi hêvî ne ku wateyên Newrozê di Sûriyeyê de bên bicihanîn û Sûriyeyê ber bi siberojeke ronîdar û ewle ve bibin ku tevahî şêniyan hembêz bike, tevahî rewşên cudabûn û şer rawestin, hezkirin û xwişk-biratiya ku xwe dispêre edalet û wekheviyê û hevqebûlkirinê misoger bibe. Her wiha di avakirina Sûriyeyê de tevahî welatî beşdar bibin, koçber û penaber vegerin cih û warên xwe û dîrokeke nû ji welatê xwe re binivîsînin ku Sûriye bibe ya tevahî Sûriyeyiyan.
Mîna ku Newroz tê wateya girêdana bi xak û wela re, divê em tevahî parastina nirxên dîrokî yên Newrozê bikin û ji bo parastina gelê xwe ji tevahî gefan wan nirxan bikin pratîkê, hevgirtina civakî û zîndîbûna wê vegerînin. Da ku ewlehî û aramiyê hîs bikin.
Em careke din Newrozê li her kesî pîroz dikin û bi hêvî ne hemû cejna xwe di nava şadî û kêfxweşiyê de pîroz bikin.”
