Platforma Dengê Girtiyan (TSP) daxuyaniyek nivîskî da û got: “Jiyana şoreşgerê enternasyonalîst Ecevît Pîroglû yê ku ev 3 sal in ji aliyê dewleta Sirbîstanê ve hatî girtin, di bin xeteriyê de ye. Dewleta Sirbîstanê ji bo ku Ecevît Pîroglû radestî dewleta Tirk a faşîst bike, hîn jî wî di girtîgehê de digire.”
Di daxuyaniyê de ev tişt jî hatin diyarkirin:
“Çalakiya Greva Birçîbûnê ya Duyemîn a ku Pîroglû di 12’ê Sibata 2024’an de dayî destpêkirin, gihişt asteke krîtîk. Pîroglû daketiye 48 kîloyê. Berê ji bo ku radestî dewleta Tirk neyê kirin, qasî 136 rojan greva birçîbûnê kir û bedena wî pir lewaz bûbû. Mafê tedawiyê yê Pîroglû jî hatibû astengkirin.
Dadgeha Bilind a Sirbîstanê biryar daye ku Pîroglû radestî Tirkiyeyê nayê kirin. Tevî vê biryarê jî Pîroglû ji Hezîrana 2021’an ve girtî ye. Pîroglû 12’ê Çileya 2024’an hate tehliyekirin, lê heman rojê ji aliyê polîsê Sirbîstanê ve dîsa hate girtin û bi bin navê ‘kampê’ de birin girtîgeheke din. Ev pêkanîn hem li dijî hiqûqa dewleta Sirbîstanê, hem jî li dijî hiqûqa navneteweyî û mafên mirovan e.
Ecevît Pîroglû ji dema hatî girtin û vir ve, di bin xeteriyê de ye ku di encama bazariyên qirêj ên di navbera dewleta Tirk û Sirbîstanê de radestî dewleta Tirk bê kirin. Sedemê girtina wî jî daxwaza îadeyê ya dewleta Tirk e. Îadeya Pîroglû ya ji dewleta Tirk re di encama kampanyaya li qada navneteweyî hatî meşandin û berxwedana greva birçîbûnê ya Pîroglû de, hatibû astengkirin. Greva Birçîbûnê ya Pîroglû 136 rojan dewam kiribû.
Pîroglû yê ku di Greva Birçîbûnê ya Duyemîn de, 110 roj li pey xwe hiştin. Rewşa wî her ku diçe xirabtir dibe. Lebetên wî yên hundir, gelek fonksiyonên xwe winda kir. Pîroglû gav bi gav ber bi mirinê ve tê birin.
Ji her rewşeke nerênî ya ku bi serê Ecevît Pîroglû were, dewleta Sirbîstanê berpirsyar e. Em dixwazin ku dewleta Sirbîstanê dest ji bazariyên qirêj ên bi dewleta Tirk a faşîst re berde, li gorî hiqûqa navneteweyî tevbigere û demildest Pîroglû berde.”
