Hêzên Hikûmeta Veguhêz, di 5’ê Cotmehê de rêya Tebqa-Selemiyê bi tevahî li pêşiya rêwî û siwareyan girt. Hêzên ku li xaçerêya El Zekiyê ya nêzî herêma Eseriya ya gundewarê Hemayê bi cih bûne, destûr nadin siwareyên ku ji herêma Bakur û Rojhilatê Sûriyeyê tên, derbas bibin. Vê rewşê ji bo bi hezaran kesên ku piraniya wan nexweş û xwendekar in, mexdûriyeteke cidî derxistiye holê.
Li gorî agahiyên ku ajokarên otobusan ragihandine, Hikûmeta Veguhêz duh rêyên alternatîf ên ku welatî bi berdêlên zêde bi kar dianîn, girtin.
Rêveberiya Xweser ti astengiyan ji bo siwareyên ên ku dixwazin ji xalên wê yên kontrolê derbas bibin, der naxe. Lêbelê, hêzên li xalên kontrolê yên girêdayî Hikûmeta Veguhêz ya Sûriyeyê, destûr nadin siwareyan derbas bibin û piştî ku ajokaran bi saetan li bendê dihêlin, wan paşve vedigerînin.
Hikûmeta Veguhêz a Sûriyeyê beriya ku di 27’ê Îlonê de êrîşî Dêr Hafirê bike, rêya di navbera Dêr Hafir û Helebê de girtibû û di dema êrîşan de gelek sivîl birîndar bûbûn.
