Bûyerên piştî Banga Aştî û Civaka Demokratîk a Rêber Apo wê bêne şopandin.
Hevserokê Şaxa Amedê yê OHD’ê Muhittin Muguç diyar kir ku piştî banga 27’ê Sibata 2025’an, ji ber ku amadekariyên qanûnî nehatine kirin, pêvajo ber bi nediyariyê ve diçe û muzakere hîn negihîştiye zemînekî hiqûqî yê saxlem.
Parlamentera DEM Partiyê Adalet Kaya bal kişand ser girîngiya krîtîk a bi mîsogeriyên qanûnî û şert û mercên wekhev tevlîkirina Rêber Apo wekî sermuzakerevan ji bo pêvajoyê û wiha got, “Ev pêvajo bêyî Birêz Ocalan nabe. Ev deriyê dawî yê beriya derketinê ye.”
Koordînatorê SAMER’ê Yuksel Genç, derbarê piştî 6 salan vekirina dosyaya Gulîstan Doku de nirxandina “Têkiliyên hêzê yên di nav dewletê de ji nû ve ava dibin” kir û got: Hêza ku duh ji Musa Orhan re digot ‘Tiştek bi min nayê’, îro ji bo parêzger jî heman tişt kir.
Piştî biryara betalkinê ya şûraya dewletê, di 7’ê Gulanê de li Sarim Çayi ku dihat xwestin ku HES lê were çêkirin, ji nû ve keşf were kirin. Emîn Tûrhali ku li herêmê jiyan dike, bi gotinên, “Ev bendav wê jiyanê tune bike. Em ji ber vê yekê naxwazin” bang li hemû rêxistinên ekolojiyê kir ku roja keşfê werin herêmê.
Şerê navbera DYE-Îsraîl û Îranê û bûyerên têkildarî mijarê wê werin şopandin.
