– Bûyerên piştî Banga Aştî û Civaka Demokratîk a Rêber Apo wê werin şopandin.
– Parlamenterê Partiya DEM’ê Ozturk Turkdogan anî ziman ku hamleya rêveberiya Tevgera Azadiya Kurd a vekişîna ji bo Tirkiyeyê bibîrxistina gav avêtine ye û got: “Divê komîsyon biçin serdana birêz Abdullah Ocalan û nêrînên wî bistînin.”
– Endamê Konseya Rêveber a KCK’ê Mustafa Karasu, biryara vekişîna gerîla ji Tirkiyeyê ji bo dewlet gavan bavêje wek teşwîqkirin nirxand û got, “Qanûnên azadiyê û rewşa Rêber Apo ya ku di mercên xebata azad de be xala krîtîk a pêvajoyê ye.”
-Hevserokê Giştî ya DEM Partiyê Tuncer Bakirhan îro li Qersê wê tevlî bernameya Gel û Baweriyan a ku were lidar xistin bibe.
Hevseroka KCKD-E Zubeyde Zumrut, ji bo meşa ku 8’ê Mijdarê li Kolnê ya bi şiara ‘Ji bo Rêber Apo Azadî, Ji bo Pirsgirêka Kurd Çareseriya Siyasî’ banga beşdarbûnê kir û got, “Ger em bi dirûşma ‘Rêbertiya Azad’ derketine rê, divê li wê qadê dengê bi sedan hezarî bilind bibe”.
– Nexweşiyên Hatice Yildiz a 76 salî ya ku ji ber şandina pere ji keça xwe ya di girtîgehê de hatiye girtin, her diçe girantir dibin. Herî dawî jî serlêdana wê ya ji bo cezayê xwe li malê temamkirinê hatiye redkirin, Hatice Yildiz ji ber tansiyona bilind gelek caran ji ser hişê xwe diçe.
– Hacer Xelîl Yusuf a ji Efrînê, piştî 30 sal girtîbûna di zindanên Tirkiyê de, xwe gihand Şoreşa Rojava. Hacer Xelîl Yusuf got, “Şoreşa Rojava ji bo min cihê şahî û rûmetê ye”.
