Bûyerên piştî Banga Aştî û Civaka Demokratîk a Rêber Apo wê bêne şopandin.
Hevseroka Giştî ya DBP’ê Çîgdem Kiliçgun Ûçar anî ziman ku dewlet xwe nade ber avêtina gavan, ev yek dibe sedema rûdana rewşeke li dijî xwezaya pêvajoyê û got, nexşerêya aştîxwazan amade ye.
Fabian Molina biryara vekişîna hêzên Tevgera Azadiyê weke nîşaneya îradeya siyasî û berpirsyariya ji bo aştiyê pênase kir û got, “Dor a dewleta Tirk e. Ji bo serketina pêvajoyê sererastkirinên qanûnî şert e. Divê Birêz Ocalan tavilê bê berdan.”
Zanyara siyasetê Fatma Bostan Unsal ragihand ku şert û mercên navxweyî û derve zemîneke girîng ji bo pêvajoya aştiyê pêşkêş dike û xwest, firsenda heyî ya dîrokî ji dest neyê berdan.
Parlamenterê Mersînê yê DEM Partiyê Alî Bozan diyar kir ku divê ji hêvî û bendewariya wêdetir gavên hiqûqî û siyasî bêne avêtin ku sedemên bingehîn ên meseleya Kurd ji holê bêne rakirin.
Berdevka DEM Partiyê Ayşegul Dogan wê li Meclîsê civîna çapemeniyê lidar bixe.
Ji fermandarên HPG’ê Yaser Dersim hevalê xwe yê têkoşînê şehîd Şivan Gever bi bîr anî û got, “Hevrêyek bû ku ji her alî ve mînak bû.”
Parêzer Mistefa Şêx Mislim diyar kir ku dewleta Tirk li şûna bicihanîna qanûnê, siyasetê bi kar tîne û qanûnê binpê dike. Mistefa Şêx Mislim got, divê Rêber Apo bi biryara Mafê Hêviyê azad bibe.
Feraseteke komunê ya rast a ku xwe li nava rêveberiyên xwecihî bi rêxistin bike, tê wateya pûçkirina hewldana zextê ya polîtîkayên qeyûm ên desthilatdariyê.
