Biryar hatibû dayin ku Parlamenta Iraqê îro bicive û di rûniştina îro de Serokkomarê nû yê Iraqê hilbijêre. Lê belê ji ber ku piraniya endaman di rûniştina parlamentê de ne amade bûn, rûniştin jî nekarî pêk were.
Li gorî agahiyan, rûniştina parlamentê ya ji bo hilbijartina serokkomarê nû ji bo demeke pêş hate taloqkirin.
Hefteya derbasbûyî jî Parlamenta Iraqê ji bo hilbijartina serokkomarê nû li hev civiya bû; lê belê li ser daxwaza YNK û PDK’ê rûniştin hatibû taloqkirin.
Heta niha YNK û PDK’ê li ser mijarê li hev nekirine. YNK dibêje, divê namzetê serokkomariyê ji partiya wan be, PDK’ê jî vê carê çav berdaye postê serokkomariyê û heman daxwazê dike. Bi kurtasî ji ber ku Kurdan nekarî di nava xwe de li hev bikin û ji bo serokkomariya Iraqê namzetekî hevpar nekarî diyar bike, xeterî heye ku meqamê serokkomariyê ji destê wan biçe.
